بۆکان؛ سێ هاووڵاتی لە لایەن هێزە ئەمنییەکانی ڕێژیمی ئێرانەوە دەستبەسەر کران

‏ک.م.م.ک:

بەپێی ڕاپۆرتی گەیشتوو بە ناوەندی هەواڵگری کۆمەڵەی مافی مرۆڤی کوردستان، ڕۆژی چوارشەممە ڕێکەوتی چواری ڕەزبەری٢٧٢٤، سێ هاووڵاتی بە ناوەکانی سروە شیری تەمەن ٢٢ ساڵ، پەیمان شیری تەمەن ١٩ ساڵ و فەردین شیری، خەڵکی گوندی تەرەغه لە بۆکان، لەلایەن هێزە ئەمنییەکانی ڕێژیمی ئێرانەوە دەسبەسەر کران.

بە وتەی سەرچاوەیەکی ئاگادار، هێزە ئەمنییەکانی ڕێژیمی ئێران بەبێ فەرمانی دادگا هەڵیانکوتایە سەر گوندی تەرەغه و ئەو سێ هاووڵاتییەیان دەستبەسەر کرد.

ئەم سەرچاوە ئاگادارە زیادی کرد: ئەم سێ هاووڵاتییە بە مەبەستی لێپرسینەوە بۆ یەکێک لە ناوەندە ئەمنییەکانی ڕێژیمی ئێران لە ورمێ گواستراونەتەوە.

جێی ئاماژەیه، سروە شیری و پەیمان شیری خوشک و برا و فەردین شیری ئامۆزایانە.

تا کاتی نووسینی ئەم هەواڵه هیچ زانیارییەک له سەر هۆکاری دەسبەسەرکردن و تۆمەتی ئاراستەکراوی ئەم هاووڵاتییانە له بەردەستدا نییه.

خ.ع

The post بۆکان؛ سێ هاووڵاتی لە لایەن هێزە ئەمنییەکانی ڕێژیمی ئێرانەوە دەستبەسەر کران appeared first on كۆمه‌ڵه‌ی مافی مرۆڤی کوردستان.