-سەرکردەی وڵاتی ئێمە
لە سەرکردەی هیچ
وڵاتیکی جیهان ناچێت
لەسەر کورسی کە دانیشت
هەتاکوو نەمرێ هەڵناسێ!
۲-
کورسییەک!
سەری خۆی هەڵگرت
چونکە دیکتاتۆریک
دەیویست
لەسەری دانیشێت
۳-
شتێکی سەیر…
کورسییەک!
بە سەرۆکیکەوە نووساوە
بە دارتاش بڵێن:
با بێت و لێکیان کاتەوە!؟
۴-
دوێنێ شەو!
لە خەونم دا سەرۆکێک
بە پیزو ئیفادەوە
بە هە‌رەشە و تووڕیەوە
لەسەر کورسییەکە‌ی دانیشتبوو
هیتلرو پێنوشە و مۆسۆلینی و سەدام
هاتنە بن گویچکەم و پێیان وتم:
ئێمەش وا بووین…
بەڵام !
ئەم کورسییە
هەتا هەتایە
هی کەس نییە
ڕۆژێک دادێت ژێر پێت
چوڵ ئەکات و
گەردنت بە پەتی سێدارەوە
جێ ئە‌هێڵی!؟
۵-
خەو
پە‌ژارەی سەرەکی
دیکتاتۆرەکان
تەنیا کورتی تەمەنە…
لەسەر کورسی دەسەلات
٦-
دیکتاتورەکان و
زەرووەکان
هەمیشە لە یەک ئەچن
هەردووک تینووێتیان
بە خوێن ئەشکێنن
٧-
دیکتاتۆرەکان !
ماسی گرێکن
کە تەنیا و تەنیا
لە ئاوی قووڕاوا
ماسی ئەگرن!؟
۸-
دیکتاتورەکان!
تەنیا خەڵکی کۆمەڵگەکەیان
بەبێ دەنگی خۆش ئەوێ!؟
۹-
دیکتاتورو شەمشەمە کوێرە
لە یەک ئەچن
هە‌ردوک تێدەکۆشن
هیچ کات…
شەو و کازیوەی بەری بەیان
بە یەک نەگەن
بەڵام بێ خە‌بە‌ر لەوەی کە
کازیوەی بەری بەیان
بە سە‌ر‌تاریکیدا زاڵ دەبیت
و ڕوناکی بەسەر گشت جیهان
دەست دادەگرێ
۱۰-
شتێکی سەیر!
لە وڵاتی من
دزەکان هەر هەموویان
سە‌رکردەو پە‌رلەمانتارن
بەڵام !
لە ولاتە پێشکەوتووکان
دەست بەسەر و زیندانن
خالید بایەزیدی/ دلێر
