هەورامان؛ بریندار بوونی هاووڵاتییەک له کاتی کۆڵبەریدا بە تەقەی ڕاستەوخۆ

ک.م.م.ک:

بەپێی هەواڵی گەیشتوو بە ناوەندی هەواڵی KMMK، سەرلەبەیانی ڕۆژی یەکشەممە ٢٤ی پووشپەڕی٢٧٢٤، هێزەکانی هەنگی سنووری جێگیرکراو له قەڵای نۆتشە، تەقەیان لە ئۆتۆمبێلی هەڵگری چەند هاووڵاتی کردووە کە بە مەبەستی کۆڵبەری لەو ناوچەیە بوون و لە ئەنجامدا یەک لەوان بە سەختی بریندار بووە. ناسنامەی ئەم هاووڵاتییه بە ناوی محەممەد دەری، خەڵکی گوندی دەری، سەر بە شاری مەریوانە.

بە وتەی شایەتحاڵێک، ئەم هاووڵاتییە بەهۆی بەرکەوتنی فیشەکی جەنگییەوە لە پشتی، بە سەختی بریندار بووە و بۆ چارەسەرکردن گەیەندراوەتە ناوەندێکی پزیشکی.

خ.ع

The post هەورامان؛ بریندار بوونی هاووڵاتییەک له کاتی کۆڵبەریدا بە تەقەی ڕاستەوخۆ appeared first on كۆمه‌ڵه‌ی مافی مرۆڤی کوردستان.