ک.م.م.ک:
بەپێی زانیارییەکانی ناوەندی هەواڵگری kmmk، ڕۆژی یەکشەممە دەی پووشپەڕی ٢٧٢٤ی کوردی، هاوڵاتییەکی کورد بەناونیشانی ئاکام خزرزادە(عەبدولسەلام) خەڵکی گوندی کانی بوداغ سەربە پیرانشار بۆ جێبەجێکردنی حوکمی زیندان دەستبەسەر و بۆ زیندانی نەغەدە ڕاگوازرا.
ئەم هاوڵاتییە پاش دەرچوونی حوکمی دەستبەسەری لەماڵەکەی خۆی دەستبەسەر و بۆ زیندانی نەغەدە ڕاگوازر.
ئاکام خزرزادە بەتۆمەتی هاریکاری حیزبە کوردییە ئوپوزسیۆنەکانی کۆماری ئیسلامی لەڕێی هەڵگرتن و ڕاگواستنی چەک لەلایەن لقی لقی ١٠٢ی دادگای سزاکانی دووی پیرانشار بەسەرۆکایەتی دادوەر مەجید ئەمیرمحەممەدی بەدوو ساڵ زیندان مەحکووم و ئەم حوکمە لە گوڵانی ئەمساڵ پێی ڕاگەیەندرابوو.
ئاکام خزرزادە ٢٨ساڵ تەمەن ڕۆژی سێشەممە ١٤ی پووشپەڕی ٢٧٢٢ی کوردی، بەبێ نواندنی حوکنی قەزایی لەلایەن بەکرێگیراوانی ئیتلاعاتەوە دەستبەسەر و بۆ لێپرسینەوە بۆ گرتووخانەیەکی ئیتلاعاتی کۆماری ئیسلامی لە ورمێ ڕاگوازرابوو.
ئەم هاوڵاتییە کوردە ڕۆژی شەممە ١٩ی خەرمانانی ٢٧٢٢ی کوردی، پاش کۆتایی لێپرسینەوە بۆ زیندانی نەغەدە ڕاگوازراو و ڕۆژی یەکشەممە ٢٠ی خەرمانی ئەو ساڵە بەدانانی بارمتە بە شێوەی کاتی ئازاد کرا.
ق.ش
The post ئاکام خزرزادە بۆ جێبەجێکردنی حوکمەکەی ڕەوانەی زیندان کرا appeared first on كۆمه‌ڵه‌ی مافی مرۆڤی کوردستان.
