دەسبەسەربوونی دوو هاوڵاتی لە پیرانشار

‏ک.م.م.ک:

ڕۆژی دووشەممە ١٧ی گوڵانی ٢٧٢٤، دوو هاووڵاتی بە ناسنامەی سەلام سوڵتانی خەڵکی گوندی خوڕەنج و محەممەد مورادی خەڵکی گوندی بیکۆس، هەردوو سە بە شاری پیرانشار، لە لایەن هێزە ئەمنییەکانی ڕێژیمەوە دەستبەسەر و بۆ شوێنێکی نادیار ڕاگوێزران.

جێی ئاماژەیه، ئەو هاووڵاتییانە بەبێ فەرمانی دادگا و دوای هێرشێکی توندوتیژ و تۆقاندنی بنەماڵەکانیان دەسبەسەر کراون.

تا کاتی نووسینی ئەم هەواڵە سەبارەت بە تۆمەت و شوێنی راگرتنی ئەو هاووڵاتیانە هیچ زانیارییەک لەبەردەستدا نییە.

خ.ع

The post دەسبەسەربوونی دوو هاوڵاتی لە پیرانشار appeared first on كۆمه‌ڵه‌ی مافی مرۆڤی کوردستان.