ک.م.م.ک:
بەپێی هەواڵی گەیشتوو بە ناوەندی هەواڵی KMMK، ڕۆژی چوارشەممە ٩ی ڕەشەمەی ٢٧٢٣ی کوردی، پاسەوانانی زیندانی ڕێژیم کە هەڵکەوتووە لە شاری ورمێ، بە فەرمانی پەیمان خانزادە، بەڕێوەبەری ئەم زیندانە حکومییە و بە هاوکاریی یەحیا سۆڵتانی بەڕێوەبەری دامەزراوەی ئایینی سیاسی هێرشی کردە سەر ئەم زیندانە، زۆرێک لە زیندانییە سیاسییەکان سەر و دەموچاویان بریندار بوون و دوو زیندانی سیاسیش خۆیان سووتاند.
پێویستە بگوترێ ئەم کارە دوای بڵاوبوونەوەی نامەی کراوەی ٨٠٠ هاووڵاتیی زیندانیکراوی ئەم زیندانە سەبارەت بە دەرکردنی پەیمان خانزادە و هەروەها هەواڵی خۆکوشتنی زیندانی سیاسی شاهین گوڵەدەر ، دوو زیندانی سیاسی بە ناوەکانی حەسەن عومەرپوور و ئەشکان عوسمان نژاد کە پێشتر بە تۆمەتی سیخوڕی بۆ موساد سزای 10 ساڵ زیندانییان بەسەردا سەپێندرابوو، ناڕەزایەتیان دەربڕی بەرامبەر بە حوکمی ناڕەوایان و هەروەها لەسێدارەدانی چوار زیندانی دیکە لە دۆسیەکەیان و فشارخستنە سەر ئەم بەشی خۆسوتاندنی ئەنجامدا.
بە وتەی سەرچاوەیەکی ئاگادار: بەندکراوان ئەشکان عوسمان نژاد و حەسەن عومەرپوور بە کەڵک وەرگرتن لە بەتانییەکی تەڕکراو لە نەوتدا خۆیان سووتاندووە و بە فەرمانی پەیمان خانزادە ڕێگەی نەداوە ئەو کارمەندانە هاوکاری کوژاندنەوەی ئاگرەکە بکەن و ئەویش چاوی لێ بووە، تا ئێستا ریندارانی ئەم ڕووداوە چارەسەر نەکراون و تەنانەت دەرگای وەرگرتنی هەوا قوفڵ کراوە و ڕێگە بە هیچ هاوکارییەک نادات.
لە درێژەی ئەم ڕاپۆرتەدا، بە گێڕانەوە لە سەرچاوەیەکی ئاگادار، دوای ئەم هێرشە، پەیمان خانزادە دەستی کرد بە هەڕەشەکردن و هێڵ کێشان و ڕایگەیاند کە هیچ ترسێکی لە هیچ ڕێکخراوێکی نێودەوڵەتی نییە، تەنانەت نەتەوە یەکگرتووەکانیش نییە و لەمەودوا هەر بەڵایەک ڕوودەدات بەسەریدا دەهات، ئەم حوکمەم بۆ زیندانییەکان دەهێنا.
پێویستە ئاماژە بەوە بکرێت کە بەندی ئەمنی بەرزی زیندانی ورمێ کە ئێستا ٤٢ زیندانی سیاسی و ئایدیۆلۆژی تێدایە، لە چەند ساڵی ڕابردوودا بە دوور لە زیندانەکانی دیکە دروست کراوە و زیندانیانی ئەم بەندییە بە تەواوی لە گۆشەگیری دان.
کۆمەڵەی مافی مرۆڤی کوردستان هەرچەشنە هێرش و پێشێلکارییەکی مافی زیندانیانی سیاسی لە زیندانەکاندا شەرمەزار دەکات و بە پێچەوانەی ڕێککەوتننامە نێودەوڵەتییەکانی مافی زیندانەکان دەزانێت و داوا لە هەموو مافەکانی مرۆڤ و دامەزراوە ئازادیخوازەکانی جیهان دەکات کاردانەوەیان هەبێت و ئەو پێشێلکارییانە شەرمەزار بکەن لە نۆرمەکانی کۆماری ئیسلامی.
م.م
The post خۆسووتاندنی دوو بەندکراوی بەشی ئایدۆلۆژیای سیاسی زیندانی ورمێ لە کاتی هێرشی پاسەوانی زیندان بۆ سەر ئەم بەندییە appeared first on كۆمه‌ڵه‌ی مافی مرۆڤی کوردستان.
