ک.م.م.ک:
بە پێی ڕاپۆرتەکان، بنیامین ڕەحیم‌پوور، زیندانی سیاسی پێشووی خەڵکی گوندی ئەوێهەنگی سەر بە شاری سنە، بە تۆمەتی بانگەواز لە دژی ڕێژیم و هاوکاری لەگەڵ یەکێک لە حیزبە نەیارەکانی حکوومەتی ئێران، لە لایەن دادگای ئینقلابی رژێم لەم شارە، بە یەک ساڵ زیندان مەحکووم کرا.
بە پێی ئەم ڕاپۆرتە، دانیشتنی دادگای ناوبراو لە ٢٢ی رێبەندانی ٢٧٢٤ی کوردی لە لقی ١ی دادگای ئینقلاب لە شاری سنه بەڕێوە چوو و حوکمەکەی لە ٢٦ی هەمان مانگ پێی ڕاگەیێندراوە.
پێویستە ئاماژە بەوە بکرێت کە ناوبراو لە ٢ی ڕێبەندانی ٢٧٢٤، دوای ئەوەی هێزەکانی ئیتلاعاتی سوپای پاسداران هەڵیانکوتایە سەر دوکانەکەی، بە توندوتیژی دەستبەسەر و گواسترایەوە بۆ دەستبەسەرگەی شەهرامفەڕ و دوای ١٩ ڕۆژ لە دەستبەسەری لە ٢٠ی هەمان مانگ، بە دانانی بارمتەی ٥٠٠ ملوێن تمەنی بە شێوەی کاتی ئازاد کرا.
جێی ئاماژەیه ئەم هاوڵاتیە پێشتریش بە تۆمەتی هاوشێوە سزای ١٨ مانگ زیندانی هەڵپەسێردراو و ٦ مانگ بەندکرانی بەسەردا سەپێنرابوو.
خ.ع
The post سنه؛ سەپاندنی سزای ساڵێک بەندکران بە سەر هاوڵاتییەکدا appeared first on كۆمه‌ڵه‌ی مافی مرۆڤی کوردستان.
