مەریوان؛ ئازادی سێ کەس لە دەستبەسەر کراوانی ئاهەنگی نەورۆز

ک.م.م.ک:

بە پێی هەواڵی گەیشتوو بە ناوەندی KMMK ڕۆژی یەک شەممە ٣ خاکەلێوە ٢٧٢٥ی کوردی سێ کەس لە دەستبەسەر کراوانی ئاهەنگی نەورۆز لە مەریوان بە ناوەکانی محەمەد نیک پەی و کەیوان مینویی هەر دوو خەڵکی گۆندی نێ و محەمەد قادری ١٧ ساڵ خەڵکی گۆندی سەردۆش ئازاد بوون.

شیاوی باسە ئەم سێ کەسە لە تەک ژمارەیک هاوڵاتی تری خەڵکی ئەم دوو گۆندە بە هۆی بەشداری لە ئاهەنگی نەورۆزی گۆندی سەردۆش دەستبەسەر و لێپرسینەوەیان لێ کرا بوو.

دەستبەسەر کراوانی دیکە لەم دوو گۆندە بۆ بەندیخانەی ناوەندی ڕژیمی ئیران لە شاری مەریوان ڕاگوێزراونەتەوە و تەنیا یەک مێرمنداڵ بە ناوی کەیهان تەدبیری خەڵکی گۆندی نێ بۆ ئیدارەی ئیتلاعاتی شاری سنە ڕاگوێزراوە.

ف.ن

The post مەریوان؛ ئازادی سێ کەس لە دەستبەسەر کراوانی ئاهەنگی نەورۆز appeared first on كۆمه‌ڵه‌ی مافی مرۆڤی کوردستان.