ک.م.م.ک:
بەپێی ڕاپۆرتی گەیشتوو، ڕۆژی چوارشەممە ٢٩ی رەشەمەی ٢٧٢٤ی کوردی، سێزدە هاووڵاتی کە دوو کەسیان منداڵن و خەڵکی گوندی دۆڵە گەرمی سەردەشت بە هۆی بەشداریکردن لە ڕێوڕەسمی نەورۆزی ئەم گوندە، لەلایەن هێزەکانی ئیتلاعاتی ڕێژیم لە شاری سەردەشت بانگهێشت و دەستبەسەر کران.
بەگوێرەی ئەو ڕاپۆرتە، دەستبەسەرکردنەکان دوابەدوای ئاهەنگی نەورۆز لەم گوندە ڕوویانداوە و ناسنامەی دەسبەسەرکراوەکان بەم شێوەیەی خوارەوەیە.
شاکار عومەرزادە (ده ساڵ)
بڕیار محەممەدیانی (١٤ ساڵ)
ئارام ئالی
کەمال قازانی
ڕەحیم قادری
کامەران غەزاڵی
عوسمان عومەرنژاد
شێرزاد شێخی
بێهزاد مەسڵەحەت
بێهروز حەمزەپوور
محەممەد حوسێن پوور
ڕەحیم ئەحمەدزادە
محەمەد ئەحمەد پوور
هەروەها لەو پێوەندییەدا، هاووڵاتییەکی ژن بە ناوی ئازیز حوسێن پوور، دایکی ئازاد ئالی ئەندامی کۆچکردووی حیزبی دێموکراتی کوردستانی ئێران کە مەشخەڵی هەڵگیرسانی ئاگری لە ڕێوڕەسمی نەورۆزی ئەم گوندەدا بەدەستەوە بوو، بانگهێشتی ئیدارەی ئیتلاعاتی سەردەشت کراوە و لێپرسینەوەی لەگەڵ کراوە.
تا ساتی بڵاوبوونەوەی ئەم هەواڵە هیچ زانیارییەک لەبارەی ئەو تۆمەتانەی کە ئاراستەی ئەو هاووڵاتیانە کراوە و شوێنی نیشتەجێبوونیان لە بەردەستدا نییە.
خ.ع
The post سەردەشت؛ دەسبەسەرکردنی ١٣ هاووڵاتی بەهۆی گێڕانی ئاهەنگی نەورۆز appeared first on كۆمه‌ڵه‌ی مافی مرۆڤی کوردستان.
