ک.م.م.ک:
هەینی١ی خاکەلێوەی ٢٧٢٥ی کوردی، هێزە ئەمنییەکانی ڕێژیمی ئێران لە مەریوان دەستیاندایە دەسبەسەری چەندد هاوڵاتی. محەممەد ئەشتەک، ئارام نیکپەی و محەممەد نیکپەی خەڵکی گوندی نێ لەگەڵ دوو برای خەڵکی گوندی سەردۆش و دانیشتووی مەریوان بەناوەکانی بیلال و تەحسین دادڕەس لەلایەن هێزە ئەمنییەکانەوە دەسبەسەر کران.
بەگوێرەی هەواڵەکە لە زمانی چەندد سەرچاوەیەکی متمانەپێکراوەوە لە بەرەبەرەی بەڕێوەچوونی ڕێوڕەسمەکانی نەورۆز لە گوندی نێ، لەماوەی دوو ڕۆژی ڕابردوو جگە لە بانگهێشتی پتر لە ١٥٠هاوڵاتی، هێزە ئەمنییەکان هاتوونەتە ئەو ناوچەیە، ئەم هەوڵە بووە بەهۆی سەپاندنی کەشی چەکدار و ئەمنییەتی لەسەر گوندەکە و دڵەڕاوکێی هاوڵاتیانی لەهەمبەر سەرکوتەکان زۆر کردووە.
شیاوی باسە کە، تەحسین دادڕەس یەکێک لە زیندانیانی دێرینی سیاسیی، لە شوێنی کارەکەی توندوتیژانە دەسبەسەر کراوە.
ق.ش
The post مەریوان؛ دەسبەسەری ٥ هاوڵاتت و قووڵکردنەوەی کەشی ئەمنییەتت لە بەرەبەری ڕێوڕەسمەکانی نەورۆزی گوندی نێ appeared first on كۆمه‌ڵه‌ی مافی مرۆڤی کوردستان.
