ک.م.م.ک:
بەپێی زانیارییەکان، سەرەڕای کۆتایی ماەەی ١٠ڕۆژەی دەسبەسەری کاتی ئارەزوو جەلیلزادە مامۆستای قوتابزانەکانی شاری سەردەشت، هێشتا لە گرتووخانەی ئیتلاعاتی سپا لە ورمێ ڕاگیراوە و بەرپرسانیش لە خستنەڕووی هەرچەشنە وڵامێکی ڕوون لەمەڕ دۆخی ناوبراو خۆدەبوێرن.
ئارەزوو جەلیلزادە لە ڕێکەوتی١٢ی ڕەشەمەی٢٧٢٤ی کوردی، بەبێ نواندنی حوکمی قەزایی لەلایەن هێزە ئەمنییەکانەوە دەسبەسەر و بۆ گرتووخانەیەک لە ورمێ ڕاگوازرابوو. لەم زەمەنە، بنەماڵەکەی تەنیا جارێک توانیویانە لەگەڵی پێوەندییەکی کورتی تێلەفوونیان هەبێت.
شیاوی باسە بەپێی بەڵێنی پێشتری لێکۆڵەری دۆسیە بڕیاربوو ناوبراو ڕۆژی چوارشەممە ٢٩ی ڕەشەمەی ٢٧٢٤ی کوردی، بەدانانی بارمتە ئازاد بکرێت، بەڵام ئەم بەڵێنە نەچووە بواری جێبەجێ کردنەوە. ئەو تۆمەتانەی خراونەتە پاڵی بریتین لە نووسینی درووشم، دڕاندن و ئاگرتێبەردانی وێنەی ڕێبەری حکوومەتی کۆماری ئیسلامی.
ق.ش
The post ورمێ؛ درێژەی دەسبەسەری ئارەزوو جەلیلزادە appeared first on كۆمه‌ڵه‌ی مافی مرۆڤی کوردستان.
