ک.م.م.ک:
بە پێی ڕاپۆرتەکان، «ئامانج مۆستەفاپوور»هاووڵاتییەکی تەمەن ٢٦ ساڵەی خەڵکی شاری مەهاباد و زیندانی شۆڕشی«ژن،ژیان،ئازادی»لە ڕۆژی هەینی ٣ی رەشەمێ ساڵی ٢٧٢٤ی کوردی، لە ناڕەزایەتی بە بارودۆخی نالەباری خۆی کە لە ژێر گوشاری ناوەندە ئەمنیەکان و گێچەڵی کاربەدەستانی زیندان، مانی لە خواردن(تەنانەت ئاو)گرتووە.
ئامانج مۆستەفاپوور پێشتر لە لایەن لقی ١٠١ی دادگەی تاوانەکانی رژێمی ئێران لە شاری مەهاباد بە تۆمەتی “گەندەڵی و لەناوبردنی موڵک و ماڵ”، “یاخیبوون لە کاربەدەستانی حکوومەت” و “تێکدانی سەقامگیری گشتی” بە کۆی گشتی ٩ ساڵ و ٦ مانگ زیندانی بەسەردا سەپێندرابوو. بە پێی مادەی ١٣٤ی یاسای سزادانی ئیسلامی، قورسترین سزا بۆ ئەم تۆمەتانە سزای ٥ ساڵ زیندانە،کە ئەتوانن بەسەر ئەم هاوڵاتییەدا بسەپێنن.
پێویستە ئاماژە بەوەش بکرێت کە ئەم هاووڵاتییە لە دۆسیەێکی جیاوازی دیکەدا لە لایەن دادگەی ڕێژیمی ئێرانەوە لە هەمان شار بە تۆمەتی دیکە ٢ ساڵ سزای زیندانی بەسەردا سەپاوە.
ب.س
The post مەهاباد؛ مانگرتن لە خواردنی ئامانج مۆستەفاپوور وەک ناڕەزایەتییەک بەرامبەر بە گوشارەکانی دامەزراوە ئەمنییەکان appeared first on كۆمه‌ڵه‌ی مافی مرۆڤی کوردستان.
