میاندواو؛ شەش هاووڵاتی بە شێوەی نایاسایی لەلایەن هێزە ئەمنییەکانی رێژیمی ئێرانەوە دەسبەسەر کران

ک.م.م.ک:

ڕۆژی یەکشەممە ٥ی ڕەشەمێ ٢٧٢٤ی کوردی، هێزە ئەمنییەکانی ڕێژیمی ئێران لە شاری میاندواو(میاندوآب)،هەڵیانکوتایە سەر ماڵی هاووڵاتیانی مەدەنی و بەبێ بڕیاری دادگە و بە شێوەیەکی نایاسایی ئەم ٦ هاووڵاتیەیان دەستبەسەر کرد.

ناوی ئەو شەش هاووڵاتییە دەسبەسەرکراوە بریتین لە سدیق عەباسنەژاد خەڵکی گوندی “قەلای هەلاکۆخان”، شەهاب تەوان، نیما قوربان زادە، کەیوان و بێهزاد بەرجستە خەڵکی گوندی “ئیبراهیم ئاوا” و خالق ڕەحیمی خەڵکی گوندی “شین ئاباد”.

شایەنی باسە تا ئێستا هیچ زانیارییەکی دروست سەبارەت بە شوێن و هۆکاری دەستگیرکردنی ئەم هاووڵاتیانە لە بەردەستدا نییە.
ب.س

The post میاندواو؛ شەش هاووڵاتی بە شێوەی نایاسایی لەلایەن هێزە ئەمنییەکانی رێژیمی ئێرانەوە دەسبەسەر کران appeared first on كۆمه‌ڵه‌ی مافی مرۆڤی کوردستان.