ک.م.م.ک:
بەپێی زانیارییەکانی ناوەندی هەواڵگریkmmk، سوعدا خەدیرزادە زیندانی سیاسیی خەڵکی پیرانشار کە بەتۆمەتەکانی بەشداری لە کوشتنی ئەحەدی لە ئەندامانی سپای پاسداران و ئەندامەتی لە حیزبێکی کوردی ئوپوزسیۆنی ڕێژیمی ئێران بە ١٢ساڵ و شەش مانگ زیندان مەحکووم کرابوو، بەدانانی بارمتەی دوو ملیارد و پانسەت ملوێن تمەنی لەگەڵ
منداڵەکەی بۆ ماوەی ٢٠ڕۆژ چووە پشوو.
شیاوی باسە کە، دۆخی پاک و خاوێنی، خۆراک و نائارامی زیندانەکانی ڕێژیمی ئێران بۆ دایکانی دووگیان و خاوەنی منداڵی ورد، لەگەڵ نەبوونی یاسای پشتیوانی بۆ کەسانی بەو شێوە بێبەش، مەترسییەکی گەورەیە بۆ سەر گیانی منداڵان و دایکەکانیان.
سوعدا خەدیرزادە لە ڕەزبەری ٢٧٢١ی کوردی، لە کاتێکدا دوو گیان بووە لەلایەن هێزە ئەمنییەکانەوە دەسبەسەر و منداڵبوونی ناوبراو بەبێ ئاگاداری بنەماڵەکەی و لە نەخۆشخانەیەکی ورمێ هاتۆتە ئاراوە.
ق.ش
The post پیرانشار؛ پشووی ٢٠ ڕۆژەی سوعدا خودیرزادە لەگەڵ منداڵەکەی کە لە زیندان لە دایک بووە appeared first on كۆمه‌ڵه‌ی مافی مرۆڤی کوردستان.
