دەسبەسەرکردنی دوو هاووڵاتی لە شاری نەغەدە

‏ک.م.م.ک:

بەپێی هەواڵی گەیشتوو، ڕۆژی پێنجشەممە ٢٧ی بەفرانباری ٢٧٢٤، هێزە ئەمنییەکانی ڕێژیم لە شاری نەغەدە، دوو هاووڵاتی بە ناوەکانی مەسعوود مەحموود پوور و محەممەد تاهێر ئەلیاسی دەسبەسەر و راگوێزی شوێنێکی نادیاریان کردن.

هێزە ئەمنیەتییەکانی ڕێژیم بەبێ پێشکەشکردنی فەرمانی دادگا و بە توندوتیژی، ئەم هاووڵاتییانەیان دەسبەسەر کرد. محەمەد تاهێر ئەلیاسی بە هەڵکوتانە سەر ماڵە تایبەتیەکەی و مەسعوود مەحموودپوور لەناو تاکسییەکدا دەستبەسەر کران.

تا ئامادەکردنی ئەم هەواڵە، هۆکاری دەسبەسەرکردنی ئەو هاووڵاتییانە و تۆمەتەکانیان ڕوون نییە.

خ.ع

The post دەسبەسەرکردنی دوو هاووڵاتی لە شاری نەغەدە appeared first on كۆمه‌ڵه‌ی مافی مرۆڤی کوردستان.